（鄧炳強fb圖片） 香港文匯報訊 今日10月1日全城賀國慶，特區政府今早在灣仔金紫荊廣場舉行國慶升旗儀式及後在會展辦酒會，行政長官及司局長各級官員及各界嘉賓出席。巿民及旅客就出行享受特區政府及各界提供的優惠及活動。保安局局長鄧炳強今朝在官方慶祝活動後，又馬不停蹄，陪同政務司司長陳國基到西貢北潭涌視察，了解黃金周期間郊遊熱點萬宜水庫東壩的人流情況。下晝就忙裡偷閒，回到最初，到一有60年歷史茶餐廳食晏，嘆凍檸茶、焗豬扒飯、炸雞翼茶餐同西多。 （鄧炳強fb圖片） 鄧炳強於其fb發帖及相指，國慶日有不少餐廳以及交通工具都有優惠，「朝早完成工作後，我特別請同事一齊去我兒時住西環，趁今日有優惠，去咗一間有60年歷史嘅茶餐廳食晏，凍檸茶、焗豬扒飯、炸雞翼茶餐同西多，全部都係我鍾意嘅地道美食，非常滿足！」 他又指，茶餐廳側邊就是當年每日搭巴士返學的車站，真的好懷念，「飯後我哋行去搭免費電車，沿途睇住熟悉嘅街景，邊同市民傾下偈，邊感受兒時情懷。喺國慶日繁忙嘅行程中，一餐午飯，一趟電車遊，真係十分療癒。祝大家國慶快樂！」 （鄧炳強fb圖片） （鄧炳強fb圖片）